Dürant quatter decennis da lavur intensiva, surprendenta in sia varietà ed in seis chomps d’interess, ha Andri Peer cumpilà üna massa d’artichels in sai plü voluminusa co l’ouvra litterara.
![Cover Essais, correspondenza e critica 1947-1994](/snl/de/home/ueber-uns/sla/publikationen/editionen/peer-correspondenza-e-critica/_jcr_content/par/textimage/image.imagespooler.jpg/1502786384349/258.1000/andri_peer_essaiscorrespondenzaecritica1947-1994.png)
La lavur intensiva vi dal relasch dad Andri Peer ha portà a glüm essais, artichels, intervistas e chartas chi dessan esser accessiblas eir ad ün public plü vast:
Artichels dad Andri Peer sur da «seis » temas lingua ed istorgia da cultura, critica da litteratura e traducziun poetica, ma eir sias recensiuns ed interpretaziuns dad auturas ed auturs contemporans.
Correspondenza ed intervistas dan impreschiuns immediatas e directas dad üna persunalità multifara, intant cha üna seria da criticas a la poesia dad Andri Peer our dals quatter decennis da lavur creativa muossan problems interns ed externs da seis context.
L'introducziun e las annotaziuns da la gruppa redacziunala sco eir la vasta bibliografia ed il register dals noms pussibilteschan ün ulteriur approfundimaint.
Cuntgnü:
- Lingua
- Litteratura rumantscha cun poetologia, purtrets d'autur, recensiuns ed interpretaziuns, contribuziuns istoricas e tipologicas, problems da traducziun, ambiaint litterar, litteratura d'otras linguas, istorgia da cultura ed istorgia contemporana.
Intervistas da Hendri Spescha e dad Iso Camartin
Extrats our da la correspondenza dad Andri Peer cun auturas ed auturs, cun edituors e traductuors. Chartas da Cla Biert, Reto Caratsch, Luisa Famos, Margarita Gangale-Uffer, Hendri Spescha e Clo Duri Bezzola.
Resun a l'ouvra poetica dad Andri Peer cun artichels da Jon Pult, Cla Biert, Duri Gaudenz, Oscar Peer, Jon Semadeni, Reto Caratsch, Gabriel Mützenberg, Adolf Ribi, Iso Camartin, Carlo Carena e Clo Duri Bezzola.
Letzte Änderung 15.08.2011