En il focus da la sairada litterara ils 29 da matg 2024 stattan l’autura engiadinaisa Leta Semadeni e ses material d’archiv litterar. Il discurs cun Rico Valär tematisescha differentas staziuns da sia lavur litterara. L’occurrenza vegn accumpagnada da Curdin Janett a l’accordeon.
© Mayk Wendt
La scriptura engiadinaisa Leta Semadeni è naschida 1944 en ina famiglia cun affinitad litterara. Gia durant l’uffanza fa ella part da gieus auditivs rumantschs, scriva emprimas poesias e prosa curta e publitgescha ellas a partir da l’onn 1975 in diversas antologias. A partir da l’onn 2000 cumparan collecziuns bilinguas da poesias. Suenter blers onns sco scolasta daventa ella 2005 autura da professiun libra e scriva sper poesias era dus romans. Adina puspè è ella era activa sco artista e publicista e s’engascha en la scena da litteratura. L’ovra da Leta Semadeni è vegnida undrada pliras giadas, tranter auter cun il Grand Prix svizzer da litteratura 2023. Quest onn festivescha ella ses 80avel anniversari.
Ir sin viadi en il discurs
Las bleras fassettas da sia lavur sa mussan era en ses archiv litterar che ella ha surdà a l’Archiv svizzer da litteratura (ASL). A quest’occasiun porscha l’ASL in’invista exclusiva en il material d’archiv ritg che documentescha ses process da scriver unic. Accumpagnà musicalmain dal musicist engiadinais Curdin Janett van Leta Semadeni e Rico Valär sin in viadi tar staziuns singulas e tras spazis differents da sia lavur varianta. In viadi nua che differents motivs e figuras enconuschentas cumparan sin modas diversas e nua che linguas e geners sa chattan en in barat artistic.
Contact
Swiss National Library
Swiss Literary Archives
Hallwylstrasse 15
3003
Bern
Switzerland
Phone
+41 58 462 92 58
Fax
+41 58 462 84 08