Üna racolta da raquints, sömmis ed essais scrits tanter il 1949 ed il 1980 e per part fin hoz inedits. Ils editurs han commentà la lavur litterara da Cla Biert (1920–1981) in perspectiva biografica e poetologica.
In seis raquints ed in seis roman, cumparüts i’l decuors da passa trent’ons, ha Cla Biert tematisà in maniera umorisctica e seriusa la vital ill’Engiadina Bassa da seis temp. In tschercha da temas d’actualità e da fuormas narrativas innovativas sco eir dad ün’expressività litterara nudrida da la lingua discurrüda in seis contuorns, ha el interpretà in sia prosa variada ils plaschairs e dischöls dad uffants in svilup e da creschüts chi ston s’orientar tanter tradiziun e modernità. Seis grond ingaschamaint per lingua e cultura rumantscha es stat collià eir cun la reflexiun da si’aigna ouvra creativa.
Indicaziuns bibliograficas
Events
Vernissage ils 26-7-2020 a Scuol.
Preschantaziun dal cudesch ils 27-8-2020 a la Biblioteca chantunala grischuna aint il rom da las manifestaziuns ASL per via.
Last modification 15.03.2021