Sigls da lingua. Poeticas da la plurilinguitad litterara en Grischun

Dieta publica cun referats e lecturas, Hotel Waldhaus, Segl/Sils, 1.9.−3.9.2016

Clara Porges, Silsersee in Richtung Maloja, Aquarell. © Sergio Michels.

L'Engiadina è caracterisada da la convivenza dad indigens ed esters da diversas culturas. L'inscunter tranter dialects e linguas differentas sa reflectescha en la litteratura da l'Engiadina e dal Grischun. Numerus èn ils texts satirics e serius dapi il 1880 marcads da contacts linguistics tranter rumantsch, tudestg e talian. A medem temp è l'Engiadina in lieu d'acziun litterar frequent. In scomi sur da poeticas da la plurilinguitad litterara na pudess strusch chattar in rom pli attractiv.

Na be ils texts preschentads ma er la dieta da Segl è plurilingua e cumpiglia la participaziun da retoromanists, italianists e germanists. Ina rolla speciala ha la traducziun litterara. A sigls da lingua tut pariculars en l'Hotel Waldhaus envidan las lecturas dad Arno Camenisch, Angelika Overath, da Tim Krohn e Leta Semadeni.

Ina cooperaziun tranter l'Archiv svizzer da litteratura e l'Institut per la perscrutaziun da la cultura grischuna. En collavuraziun cun la Casa da traducturs Looren, il Centre de traduction littéraire ed il Center svizzer da formazione cuntinuada WBZ-CPS.

Concept ed organisaziun
Christa Baumberger, Annetta Ganzoni (Archiv svizzer da litteratura) e Mirella Carbone (KUBUS Segl)