Andri Peer a l’ASL
This content is available in Romansh, German, French or Italian. Please select DE, FR or IT at the top right-hand corner of this page.
Andri Peer è creschì si en Engiadina Bassa. Suenter il seminari da magisters a Cuira ha el studià romanistica a Turitg ed a Paris. Il 1951 ha el promovì sur da la terminologia da la chasa purila grischunda. Suenter ha el lavurà dal 1952 al 1983 sco magister da frances e talian a la scola chantunala da Winterthur.
Andri Peer è stà in poet cun gronda forza creativa, el ha publitgà raquints e prosa curta, tocs teater e gieus auditivs en rumantsch ed en tudestg. El ha gì in’influenza remartgabla sill’innovaziun da la litteratura rumantscha. Sut influenza dal modernissem europeic (simbolissem, ermetissem) ha el sviluppà en lingua rumantscha furmas novas en vers libers. Tranter il 1946 e’l 1985 ha el publitgà numerusas collecziuns poeticas en rumantsch sco er diversas racoltas da raquints en rumantsch e tudestg.
Empli è Andri Peer stà in scriptur productiv che ha collavurà sur decennis sco intermediatur cultural cun diversas gasettas svizras e cun staziuns da radio. El è stà activ er en comissiuns culturalas regiunalas, naziunalas ed internaziunalas.
Swiss Literary Archives
Swiss National Library
Hallwylstrasse 15
Switzerland - 3003 Bern