L’ASL: in archiv per las quatter litteraturas da la Svizra

L’Archiv svizzer da litteratura collecziunescha fonds d’auturas ed auturs, da perscrutaders e critichers dal 20avel tschientaner fin al di d’oz ch’èn liads tras lur vita ed ovra al spazi cultural pluriling svizzer.

L'ASL metta a disposiziun sias collecziuns al public ed a la scienza en basa da standards internaziunals ed el promova la valurisaziun da sias collecziuns cun manifestaziuns e publicaziuns.

El publitgescha regularmain il bulletin Passim, la revista Quarto e las actas da ses colloquis e sias dietas.

El maina ina sala da lectura, ina biblioteca da consultaziun cun ina documentaziun da stampa (1991-2010) ed ina collecziun da medias audiovisualas. L'onn 2011 vegn inaugurada la sala Hermann Hesse sco sala d'exposiziun e da memoria.

Grazia a la collavuraziun cun universitads e fundaziuns a livel naziunal ed internaziunal animescha l'ASL la discussiun sur da dumondas da las scienzas culturalas e filologicas en connex cun archivs litterars e lur collecziuns.

Contact

Biblioteca naziunala svizra BN
Archiv svizzer da litteratura ASL
Hallwylstrasse 15
3003 Berna
Suisse
Téléphone +41 58 462 92 58
Fax +41 58 462 84 08
Courriel

Imprimer contact

https://www.nb.admin.ch/content/snl/fr/home/collections/les-archives-litteraires-suisses-als/l_archiv-svizzer-da-litteratura-asl/l_asl--in-archiv-per-las-quatter-litteraturas-da-la-svizra.html