Perscrutaziun

L’ASL metta ils accents tar las ediziuns, la genesa textuala, la filologia d’autur e tar l’istorgia contemporana.

Dapi sia fundaziun ha l'ASL realisà projects da perscrutaziun en numerusas collavuraziuns cun universitads ed autras instituziuns. Analisadas ed interpretadas vegnan tranter auter la genesa textuala da fonds specifics, las differentas fasas e l'istoricitad dal process da scriver sco er la metodologia d'edir manuscrits. En studis concrets analisesch'ins co che l'istorgia contemporana vegn reflectada en ils relaschs litterars e publicistics. Questa pitschna tscherna illustrescha la varietad tematica da projects da perscrutaziun en l'archiv da litteratura. La catalogaziun e la perscrutaziun scientifica dals fonds han in'influenza reciproca durant la lavur a l'ASL. Quella è sa manifestada p.ex. en ils dus projects impurtants deditgads a las bibliotecas d'autur ed als archivs d'editurs. En il rom da referats, seminaris, dietas ed academias da stad vegnan discutads ed analisads ils texts ed ils manuscrits da las litteraturas svizras en il context da l'archiv. Las sfidas liadas a la transiziun en l'èra digitala vegnan ad esser en il focus da la perscrutaziun dals proxims onns.

Projects da perscrutaziun actuals èn l'ovra tardiva da Friedrich Dürrenmatt, l'emprima ediziun da l'ovra dad Emmy Hennings e dal roman inedì Lokalbericht da Hermann Burger, la recepziun da l'Italia en la litteratura svizra e la biblioteca scientifica da Jean Starobinski. Il project dal Fond naziunal svizzer Pratiche d'autore in tre prosatori della Svizzera italiana vegn ad esser terminà proximamain.

Kontakt

Biblioteca naziunala svizra BN
Archiv svizzer da litteratura ASL
Irmgard Wirtz
Hallwylstrasse 15
3003 Berna
Schweiz
Telefon +41 58 462 89 72
Fax +41 58 462 84 08
E-Mail

Kontaktinformationen drucken

https://www.nb.admin.ch/content/snl/de/home/sammlungen/das-schweizerische-literaturarchiv-sla/l_archiv-svizzer-da-litteratura-asl/perscrutaziun.html