Vernissage der «Trouvaillen / Trouvailles / Trouvaille / Truvaglias»
L’Archivi svizzer da letteratura festivescha ses trent’onn. Per quest’occasiun èn vegnidas racoltas var 100 contribuziuns deditgadas ad ogets e scrits or dals fonds d’archiv. Per la preschentaziun da quest’ovra ha la gruppa d’auturas ed auturs svizzers «Bern ist überall» survegni maun liber.
Dapi il 2011 metta ina rubrica mensila da la gasetta quotidiana bernaisa «Der Bund» e da la pagina web da la BN a glisch ogets d’archiv pauc enconuschents. I sa tratta da «truvaglias» casualmain chattadas durant la sistemaziun dals fonds e las retschertgas. Ina publicaziun pretensiusa reunischa ussa quests texts che dattan in’invista a medem temp ludica e fundada en il mund d’archiv ed ina panoramica surprendenta da pli d’in centenari da litteraturas svizras. Per la preschentaziun dal volum ha l’ASL envidà ina vera instituziun da la scena litterara actuala: il collectiv «Bern ist überall» vegn ad accumpagnar la sairada en diversas linguas ed en musica. La gruppa è represchentada da Stefanie Grob, Antoine Jaccoud, Gerhard Meister ed Adi Blum (accordeon).
Swiss National Library
Swiss Literary Archives
Hallwylstrasse 15
Switzerland - 3003 Bern