Dieta «Alpen im Wandel – Literaturen zwischen 1945-1990»
Ils 12 e 13 da zercladur 2025 organiseschan l'Archiv svizzer da litteratura, l'Institut per la perscrutaziun da la cultura grischuna (icg) e l'Universitad da Turitg (Retoromanistica) ina dieta litterara publica davart las litteraturas grischunas suenter l'onn 1945.
La midada culturala suenter l'onn 1945 è stada enorma en il territori alpin pluriling dal Grischun: Ina societad ch'è caracterisada d'ina gronda part da l'agricultura ha fatg tras midadas fundamentalas en ils secturs socials, tecnics, economics e culturals. A medem temp ha la progressiun dal turissem surduvrà las structuras existentas sco er entiras valladas ed uschia il maletg che la populaziun locala, immigrada e viagiaturas ed ils viagiaturs han fatg da quai.
La dieta s’occupa da la dumonda co che questas midadas e co che las experientschas da cunfin che resultan tras quai vegnan raquintadas e discutadas entaifer la litteratura tudestga, taliana e rumantscha. Ella examinescha, tge cundiziuns da basa ch'il scriver ha promovì u er limità.
Vuschs or da l'archiv da litteratura
Durant la dieta vegnan er fatgas referenzas davart auturas ed auturs da las qualas ils relaschs sa chattan en l'Archiv svizzer da litteratura e documentadas sapientivamain cun material dals relaschs.
Litteraturas en dialog
La saira dals 12 da zercladur ha lieu ina saira litterara, nua che las auturas Flurina Badel e Romana Ganzoni sco er l' autur Andrea Paganini discutan davart temas actuals da la litteratura grischuna e davart la litteratura dal temp suenterguerra.
Swiss National Library
Hallwylstrasse 15
3003 Bern